民建聯立法會議員鍾樹根嘅英文一向好出眾，噚日佢同學民思潮發言人黃子悅同場出席有線直播節目，原本討論香港青年係唔係廢青，卻變成討論議員嘅英文水平。
面對住黃子悅呢位小妹妹，Tree根咄咄逼人，佢話做議員係服務市民，唔係考英文、亦唔係考會考，更向黃子悅話呀：「考英文我唔係差過你呀，你都會有讀錯字，你都會有grammar（文法）錯。」反問對方有冇錯過英文文法喎。
唔少網民睇完鬧Tree根死不認錯，回帶po番佢以前嘅港式英文笑話包括「尖明on your office」反擊，有網民就話其實佢唔係英文錯，而係中文都唔好，仲好意思話人？