向來同港人只談風月、不談政治嘅美國駐港總領事夏千福BB，日前去咗深水埗美荷樓生活館，一如既往之後po相到fb呃like（圖），佢話此行加深咗對香港歷史嘅認識，見到上世紀五、六十年代港人作出嘅貢獻，而同社福機構成長希望基金會見面時，更提醒咗佢生活上各種挑戰依然存在，對港人更敬佩喎。
識睇一定睇留言，有網民話雖然明明係騷一場，但係感覺良好，大讚「呢場政治show好得體」、「美國人起碼懂得公關，所謂管治，唔係惡形惡狀就得嘅」。其實特首梁振英最初蒲頭都係去深水埗做騷，仲上埋舊樓天台做大龍鳳，深水埗似乎係政客抽水理想地。