巴西上周六喺美國新澤西友賽哥斯達黎加，開賽僅九分鐘就憑侯克先開紀錄，不過全隊表現麻麻，就算換入埋巴塞隆拿前鋒尼馬，都冇乜改善，最後只以1:0小勝。唯一令巴西教頭鄧加欣慰嘅，可能係獲重召嘅老將卡卡（左二）入替咗侯克後，巴西多番唔少創造力同攻勢，而卡卡賽後話：「我自覺仍可以為巴西貢獻良多，如果鄧加需要我，我一定會盡力。」