電影Mean Girls內，經典對白“On wednesdays, we wear pink.”，絕對係不少八九十後集體回憶。戲裏粉紅色威到盡惡哂，鍾意粉紅色，日日Barbie上身招搖過市，梗係自我感覺良好啦，但唔鍾意嘅，就會極度厭惡。令人非愛即恨的粉紅，竟被選為最令人顯得愚蠢顏色！
日前英國buytshirtonline.co.uk調查，訪問1,000人關於衣着顏色與性格觀感，粉紅被選為最令人顯得愚蠢顏色。而悶蛋黑色竟然被選為最正面顏色，予人自信、智慧與性感的感覺。而且夠低調，可以減低令人討厭特質，如虛偽及自大。研究亦指男女都最希望伴侶穿黑色衣物，近七成女士愛黑衣男。
講起黑色，當然要提由1920年代由Chanel帶起的little black dress，至今仍是經典，女人衣櫃必備。而粉紅色就睇你點襯，記者覺得女神Jennifer Lawrence新廣告中，身穿的little pink dress既得體又優雅。其實着粉紅必要簡潔，不刻意賣弄可愛，就少有顯蠢情況發生啦。
記者：楊麗珊
資料來源：Independent,Dailymail