【區選搶先睇】
【本報訊】「佔領結束了，就想寫一封信給你，感謝你在這段期間守望着我」。佔中發起人陳健民去年12月在港台節目《香港家書》提及的「守護天使」是梁柏堅。梁是攝影師，公餘時學泰拳，佔領期間充當三子「保鑣」。他在佔領結束後組織「灣仔廣義」，積極考慮11月出戰區議會選舉，獲陳健民及戴耀廷做軍師，於社會政策研究及法律範疇提供意見。
記者：陳雪玲
灣仔廣義召集人之一的梁柏堅出身基層，年幼時因父親工作關係在非洲生活4年，自言看到了貧富懸殊帶來不公，同時感受到社會多元及包容的重要性。與不少港人一樣，2003年7.1遊行首次上街，之後參加反高鐵及反國教，及後受戴耀廷文章啟發參與佔中。
梁在佔領時自願充當三子「保鑣」，與三子形影不離，陳健民憶述梁當時陪伴出入開會、及到僻靜地方會見不同人士：「要佢走先，一定唔肯，一定等你上車覺得安全先會離開……我好深印象，因為呢個世代都冇乜忠誠好講。」
在戴耀廷眼中，梁柏堅則是一頭牛，低調勤力，並非蠻牛般橫衝直撞。
三子的「守護天使」於佔領運動結束後，對社區發展有另一番體會，「完咗佔領，一班朋友想做個社區組織，初時希望監察區議會，好似一億元（撥款）項目咁，你發現睇睇吓文件好多荒謬之處，一般人應該有嘅common sense係唔適用」。
盼帶領社區討論政策
梁柏堅認為區議員不單要抱着「服務」選民心態，而是讓居民多發聲：「區議會明明係諮詢架構組織，連諮詢最基本嘅嘢都做唔好。錢越嚟越多、做嘢越嚟越少，做得最多就係嘉年華會」；為改變社區，他有意出戰灣仔區選，盼帶領社區討論政策。
他強調：「就算（參選）贏嘅機會唔大、幾大都好，都有民意授權票，支持我哋繼續喺社區內去做工作……你睇到8.31又好，白皮書又好，社會上正反雙方都有咁大聲音，但在區議會層面係100%（支持），反映制度本身有問題，（若）我哋唔理只會更放肆，所以更加要走入建制（區議會）」。
陳健民對梁願出選極鼓舞，他與佔中另一發起人戴耀廷願充當軍師，在社會政策研究、法律範疇提供意見。
戴耀廷笑言：「一下子激情去做（參選）反而易搵人；要深耕細作，輸贏都繼續喺區內，想像唔到會有人肯做，其實（梁）都幾儍吓。」梁笑稱這股儍勁，正是從三子身上學習。