【本報訊】自94年開始，盧覺強曾為逾70宗交通事故擔任專家證人，九成俱勝訴，戰績彪炳。「成功率高，係因為接之前，一定會睇吓係咪有科學根據，成唔成立到」。走進他的辦公室，到處都是牛皮紙袋包着的法律文件，「接就接咗70宗，找上門的過百宗」。2002年，有藝人高價請他相助，他看過文件後，斷然拒絕。
「架法拉利啲轆爆晒，好大機會係超速，話希望我證明係公路有石仔壓爆導致意外，根本不可能」。藝人是誰，他不想說。不過翻查資料，2002年3月23日，謝霆鋒駕駛的法拉利跑車，途經紅棉路發生嚴重車禍，事後要趕往外國工作，乘另一輛車離開，爆出轟動一時的「頂包」案。
另一宗拒接的，還包括今年6月，一名投資銀行高層撞死保安員的意外，事主所駕的法拉利失控鏟入漾日居停車場，保安員被撞飛昏迷慘死，「想我證實個煞車系統有問題，現場咁大條煞車痕，喺我角度係冇科學理據，呢啲案，接咗都唔會贏吧？」
■記者呂麗嬋