中港世界盃外圍賽大戰，香港隊成功嘅防守，令對手中國隊點射都射唔入，除咗全隊上下一心專注防守，當然仲有上晒身嘅香港隊門將葉鴻輝啦！
不過賽後就爆出中國隊隊長鄭智喺比賽期間，開口鬧港隊門將葉鴻輝係狗，仲疑似向對方吐口水。之不過鄭智前日受訪反指，當時只係上前叫葉鴻輝起身繼續作賽，仲話葉鴻輝詐傷倒地，拖延時間，係違反體育道德嘅行為。
嘩！賽事輸贏固之然好緊要，估唔到場內場外球員之間嘅火花都爆得好緊要。有見及此，填詞人金冠軍都即席揮毫作咗首《好波好報》，搵嚟城中熱爆人物英雄威、弱智合唱。
《好波好報》
主唱：英雄威、弱智
和音：祝腫 祝怯 裘正 膀正
作曲：雷頌德
填詞：金冠軍
出品人：零失球唱片公司
話就話國寶 得不到分數
你教練要數 輕視沒難度
整張劣造海報 侮辱你港奴
去過外國嗎？聽過弱智吧？
你可有當過亞洲先生嗎？
英超咁勁也不怕 我又會驚他？
唔夠o趙你（他會感動嗎）
也會在全程擋路（他會跑掉嗎）
不會洩下氣 只堅守自己
我hea踢沒差 你出力吧
在懸崖還是毫無退路
又救到 球球都可救到
門楣都可救到 原來你哋咁低質素
從來沒有錯過 瞓低飛身 救得到
封鎖單刀 出迎橫掃 像賣掉老母
媽 埋門都不算差 仍然不攻進它
垂頭再做個小組吧 期求他說放棄
為何尚未等到 可能這秒時辰未到
你當我是西狗 我算X數
我卻要你班友葡萄
彼此也是同為大國 控制分數
怎麼倒都不肯倒（死不肯倒）
堅憤怒 無人珍惜我好
無人欣賞瑰寶 原來你哋有這一套
從來敷衍對我 記得清楚我知道
堅守得到 不能言敗 賣力做最好
倒 全場指示你倒
未會倒 為何他不會倒
我不會倒 回來我又有口水吐
仍然相信我會 有好波得好報
可能到某日會清數