求驗客手記︰新魔兵地標助法國食「葡」

求驗客手記︰新魔兵地標助法國食「葡」

下年歐國盃東道主法國上周五作客友賽葡萄牙,陣中里昂翼鋒費基亞相當黑仔,佢上季喺法甲踢到曉飛,難得打正選點知初段就受傷離場,仲要係膝部韌帶撕裂要唞半年,希望佢趕得切操「弗」踢歐國盃啦。法國去到85分鐘先靠矮仔中場華布拿直入罰球,1:0小勝葡萄牙;啱啱加盟曼聯嘅小將安東尼馬迪爾(右)就後備上陣,上演國家隊處子戰。另外,葡軍嘅基斯坦奴朗拿度(C朗)就繼續冇波入,計埋開季兩場西甲,已經連續三場食白果。