黃家強前晚現身時代廣場出席Ｍusic Room音樂活動，他透露久未做band show，早前頻頻飛返內地演出，稍後將會忙為「男人幫」組合宣傳。家強笑言忙到「甩膶」，連兒子也投訴：「好彩之前暑假放咗五日同佢哋、老婆返鄉下，個仔話我飛得太密，話自己大個唔會玩音樂做音樂工作，因為會見唔到我哋。」記者笑他兒子畀說話家強聽，他表示：「童言無忌，兩個仔都鍾意黐住我哋。」
家強自言不是怪獸家長：「唔知怪唔怪獸，我係嚴，老婆就完全唔嚴，我都間唔中畀佢哋睇吓電視、踢吓波、打吓機，佢哋都好多課外活動，大仔有踢波、英文、日文playgroup，畀佢哋揀自己鍾意。」
採訪、攝影：盧妹