最近收到不少跟開老樓的地產代理來電及短訊，指近日不少新盤推出，按其呎價貼近二手樓，本身老樓及太座對二手樓有興趣，不妨轉看這批時下新盤，「睇唔啱唔緊要，若有其他二手筍盤就立即通知」。
老樓過去半年不斷睇樓，不斷被代理游說買一手卻不為所動，一是因與二手樓的折讓並不大，與同區二手樓有三成距離，縱使買二手樓可能要畀四成樓價作首期，但可以即買即住或收租，而一手樓溢價太高並無太多着數，不合老樓脾胃，故大都直接拒絕。
其次是社區配套與老樓現住港島東相差太遠，現時老樓居所毗鄰休憩公園、街市、食肆及地鐵站，要勝過現居地選擇的確不多，何況要搬離這區要相當大吸引力。多年前曾想過搬，但始終知易行難，今年初北角一新樓盤開售時亦有看過，但最終因偏離負擔能力而放棄，以我這種入市心態注定一世冇樓運行。但從中可睇到地產代理的努力，不僅為了張單咁簡單，而是那種敬業樂業及鍥而不捨態度，佢哋從來沒硬銷過我或者以利誘（回佣）落嘴頭。
我發覺呢位代理朋友完全明白客戶需要，基本上無得催逼，可能我認識他的上司有關，但跟進功夫不俗，亦不會以長期電話疲勞轟炸的行動，只是老樓未夠其他人擁有那種入市勇氣罷了。廢話講完。要知道一手樓貼近二手樓價，你懂的。
劉兆昌
資深地產傳媒人
http://www.HKLau.com