麥明詩昨日與亞軍龐卓欣、季軍郭嘉文、四太梁安琪及囝囝何猷亨等在西九龍中心出席活動，男友Joe亦有低調撐場，於Ig貼出一張女友在台上的大合照，並寫道：「Truly boring. Aho faked me.」但很快又刪掉。麥明詩在台上製作天燈時，不避嫌寫住「我愛你」。問是否另有含意？她冧笑說：「係都唔使擺喺度啦！」她表示不知道Joe有到場，大家沒有碰面，估計對方是與猷亨一同前來。
被追問是否承認拍拖？麥明詩支吾謂：「冇喎，係咩，唔知呀！我講咗我想講嘅嘢，橫掂都係大家有自己結論㗎啦！」是否被男友詐型？她說：「都話講咗自己想講嘅嘢，大家互相扶持啦！」為何不認拍拖？她說：「主要唔想影響其他人，壓力都唔係人人想去承受……對佢（Joe）嚟講、對其他人嚟講，我唔想令佢哋增加負擔。」是否在Ig「耍花槍」？她說：「我啲朋友好幽默，好多朋友見到我上報都攞嚟笑，有啲嘢唔使咁認真啦。」她否認公司給予壓力，父母亦支持拍拖。有傳無綫急住栽種小花，馬上找出爐港姐應急拍劇，麥明詩直言好期待，因為自己不喜歡閒着過日子。
撰文：嵐山
