【本報訊】於牛頭角打劫的士司機落網的少年賊三人組，其中最年幼、僅得14歲的文仔，身世坎坷，他的祖母（圖）慨嘆自己年老，教孫有心無力，不懂如何讓文仔迷途知返。她篤信天主教，家中放有丈夫及兒子的遺照，每天禱告，她說文仔以前常返教會，惟升中後變壞，無心向學，又常逃學，放學回家換件衫又出街，他本來升中二，但成績太差，在社工求情下，才勉強可留班。
文仔的祖母又透露，文仔的印尼籍母親在他年幼時拋夫棄子，至今沒有聯絡，文仔兄弟原由父親照顧，惟其父於三年前在柴灣歌連臣角天主教墳場掃墓之際，疑心臟病發猝死。自此，三嫲孫相依為命，領綜援維生。祖母慨嘆文仔誤入歧途，與可憐的身世有關，「佢冇父母、冇老竇教，我做阿嫲好難講。叫佢畀心機讀書又唔聽，一味聽出面啲人講，唔聽屋企人講」。文仔胞兄也曾學壞，祖母說：「佢阿哥讀到中四，都好壞，𠵱家都轉好，有工做。」
■記者翁鈺輝