關之琳（之之）、鍾楚紅、名模周汶錡（Kathy）、Lisa S.及馬詩慧與兩名女兒等，昨晚在銅鑼灣出席品牌Roger Vivier的店舖開幕禮。
之之剪了一頭短髮亮相，顯得後生不少，近日林青霞復出演出真人騷，之之表示沒有興趣，她說：「都有好多人搵都推咗，好似今日呢類活動簡單就可以，做節目係做出嚟唔係真嘅生活，我唔需要咁樣生活，錢打動唔到我，反而一個好劇本仲可以打動到。」
今個月底就53歲的之之表示會在香港慶祝，希望跟一班朋友度過。被問到男朋友、台灣富商陳泰銘會否借機求婚時，她笑說：「冇，冇期望求婚。」一向少談政治的之之前日忽然在網上對閱兵表態「祖國萬歲萬歲萬萬歲」，她說：「朝早起身望到，覺得好感動所以寫咗，都係寫自己感覺。」
鍾楚紅以黑色長裙高貴現身，她表示跟大美人之之每年都有一兩次機會碰頭，她說：「佢（之之）先係大美人我唔係，有人搵都推咗，如果同環保有關都可以諗喎，不過有冇咁着數呀。」她笑言可以拍一下種樹、行街市買菜、買海鮮，不過未必有人肯和她一起拍，因為太辛苦。
曾昭亮認陀B 4個月
Kathy以大Deep V裙亮相，她接受訪問時說：「BB一個月大已經回復返生之前嘅體重110磅，𠵱家囝囝Jacques兩個月大，眼仔睩睩好得意。」談到妹妹周麗淇跟男朋友徐正曦分手，她表示沒有特別問，相信妹妹可以處理，她說：「佢身在北京仲問我攞BB相睇，佢處理到嘅。」
名媛曾昭亮現身時親口承認懷有身孕，她說：「有咗4個月未知仔定女，暫時重咗8磅胃口好咗，未有唔舒服。」
採訪：溫敏芝
攝影：陳順禎