曾為港視炮製《來生不做香港人》和《Night Shift》等劇集的編審鮑偉聰和總導演陸天華，隨着《Night Shift》的落幕，陸天華坦言有點失落，儘管港視面對的環境困難重重，但對他而言，有一種革命的感覺，他說：「當日過檔有一種革命感，係一個革命軍，要搞一場電視革命，希望呢個革命可以成功，雖然𠵱家受到挫折，但係我哋個心未死，好似王生咁講，只要拎到牌，就可以返嚟，繼續呢個電視理想。」
鮑偉聰亦說：「辛亥革命都要起義10次， 到第11次先成功，我哋都係起義第一次，最緊要係聚集咗呢班有心人，到咗第二次革命嘅時候，知道邊啲係有心人，跟住落去咪有成功嘅機會，只不過香港人係習慣咗一叫即到，革命應該係要即刻成功，但係你回顧返歷史，革命係一定要犧牲，唔可能係一次成功，可能要經歷好多次先可以改變世界，其實同電視革命都係一樣，𠵱家留下火種，咪繼續落去。」撰文：何慧斯
場地：海景嘉福洲際酒店Tiffany's紐約吧