黃美棋與有線主播鍾健威合作主持節目《快樂地球》後擦出愛火花，緋聞傳足一年，美棋BB一時認，一時又反口不認，未知是否要保住女神形象。不過，讀者伍小姐就透過本報「爆相爆片」，提供了數張美棋BB與鍾健威一起坐港鐵的相片，伍小姐在大前日傍晚6時許，在九龍塘港鐵車廂內見到美棋BB和鍾健威，由於正值下班時間，車廂裏面逼滿人，但美棋BB十分幸運找到一個靠邊位坐，鍾健威則站在美棋BB前面。伍小姐說：「佢哋唔似普通朋友，男嘅一時摸吓女仔面珠同個頭，感覺似係一對情侶。」
收工搽睫毛液
港鐵車廂內似乎不是太多人認出美棋BB，她見無所事事，突然從手袋裏面拿出化妝用品出來扮靚，還吩咐男友幫手拿鏡，等她可以照住搽睫毛液，男友如此貼心，認真抵錫！
美棋BB昨日透過短訊回覆，仍未有承認戀情，只解釋：「嗰日我哋做完馬會嘢收工，一齊搭番車出九龍，我啲眼睫毛整到隻眼，好唔舒服，如果佢唔幫手拎鏡，我點戴？普通朋友都會咁做㗎。」其實美棋一直都想戀情低調，上月25日美棋BB生日，她在微博貼了一張與神秘人食燭光晚餐的相片，枱面上除有蛋糕外，還有一支紅色玫瑰花，相信是與男友鍾健威一同慶祝，浪漫一番。
採訪：嵐山