【本報訊】陽澄湖及太湖大閘蟹即將攻港，永富大閘蟹專門店董事陳錦輝教路表示，巿民揀選靚蟹有秘訣，最基本一定是要選取長江蟹苗的大閘蟹，才屬上等靚蟹，其特色是蟹爪、蟹腳尖長而有金毛，肚白而乾淨，「拎上手越墜手就越好。」
食家劉晉表示，大閘蟹神態越生猛越好，「最好眼仔睩睩，即係夠新鮮」；但他強調，現時內地生物科技厲害，很多時候單憑外表很難分辨蟹隻的好壞，「隻蟹體內有激素，你喺外表根本睇唔出」，他建議巿民應向老字號或相熟的蟹店購買較穩妥及安全。
問及烹調方式，陳錦輝及劉晉不約而同稱以清蒸大閘蟹最原汁原味。劉晉指：「將大閘蟹反轉放喺紫蘇葉上邊蒸20分鐘就食得。」陳錦輝指坊間有鹽焗大閘蟹做法，「咁樣係嘥咗隻大閘蟹」。
■記者蔡朗清