重新出發，跑上人生這場馬拉松，馮貫中快樂得很。年屆三十的他，眼中仍閃着少年的光彩，說話語調平和、態度誠懇，毫不避忌十多年的毒海歲月。他坦言吸毒的禍害在其身上種了根，兩度參加馬拉松訓練，以10公里為目標，但目前最好狀態下也只能跑4公里。幸有家人、親友與社工的支持，貫中不再懼怕前路，懷着信心走下去。
貫中少年時代盡是享樂，卻一點也不快樂，「群埋啲壞朋友，好快就被踢入會，好易就接觸到嗰啲嘢」，形容毒品是「社交必需品」，「除咗白粉，乜都試勻晒」。為滿足毒癮，他八度入獄。長年在毒海浮沉，身體機能嚴重受損，「完全出唔到街，廣告講嗰啲全部有齊，幾分鐘就要去一次廁所」。
「乜你搞到咁樣衰」
一次偶遇舊友，叫貫中決心重新做人。「佢話，乜你搞到咁樣衰。我返去照吓鏡，發現真係好難睇」。這個朋友後來一再邀請貫中參加其朋友活動，助他振作；貫中也主動聯絡心弘成長中心的社工，希望戒斷毒癮。有次他應邀參加足球隊練習，卻因身體太差，完全跑不動，「一跑膀胱就好痛」，決定到日出山莊接受住院戒毒治療。
以為那段日子難熬，貫中卻只記得當中的快樂，「好開心，終於有人明白我」。他對社工方姑娘尤其感激，「你嘅潛能比你想像中更大，我一直記住佢呢句話」。他重新信任別人，也修補家人關係，與隔絕十多年的父親傾談，也與過去不時打他的哥哥和好。
離開日出山莊，貫中參加了全城街馬的街跑少年訓練計劃，希望練好身體，繼續他喜愛也自豪的足球。街跑計劃的義工與夥伴也叫他感動，「我跑得慢，佢哋會等埋我，唔會丟低我」；也驚喜自己的進步，笑言有次要由荃灣跑去汀九橋，全程約4公里，「開頭聽到已經覺得好恐怖，想搭的士返屋企」，但在同伴鼓勵下跑畢全程，「只要肯堅持同付出，雖然唔比別人叻，但自己回望都會覺得精采……其實自己都唔係咁差」。
貫中參加的街跑少年計劃是「全城街馬」活動，計劃免費提供8星期專業跑步訓練，推行未滿兩年，已幫助逾1,500名青少年。全城街馬明日於中環海濱舉行嘉年華，除了3項街跑賽事，另有7米高吹氣滑水梯、手作攤位等活動，入場費50元，部份收益作慈善用途。
■記者朱雋穎