超級天王巨星麥當娜首次來港開騷，$4,000最貴門票不是問題，問題是如何買到飛！本報拋磚引玉提供五個求飛妙法，希望在開賣前為大家打定底。
1.內部認購
識人幾時都好過識字，尤其近年演唱會飛只有約四成公開發售，其餘都是內部認購或是贊助商派飛，所以先去認識幾位唱片公司高層才是王道。
2.搵人排隊
公開賣飛晨早要紮定營等入閘，最好當然是找人代買，工人、南亞裔人全部都要出動，靚女當然是動用兵仔的時候啦！
3.火速轉行
想要入場唔一定要有飛，在現場做帶位或是保安甚至做埋唱片公司職員都得，可以免費睇騷之餘，更可以有糧出，問題是有冇人請你。
4.自力更生
買飛都係要靠自己，一早要買定露營裝備、乾糧，預備作長期作戰，最好是化定妝扮南亞裔人，到時同聲同氣唔怕被打尖。
5.鍵盤戰士
包起一間網吧，同朋友齊齊約定網上買飛，最好keyboard換定一個超大F5掣，可以不斷更新，才有勝算。