又到名校面試高峰，「一句撻着校長怒火」的比賽，吸睛度高，在學校門外紮營等位的家長不妨互撻玩吓。
一，請問你係咪港大校委？
二，學校會幫手推薦我個女選港姐吧？
三，你知唔知局長是我親戚？
四，驗了鉛水未？唔係搵民×聯係嘛咁cheap？
五，你們學校學費與狀元比例似乎唔平衡，可否叫校長來見我？（校長坐正這位家長對面！）
六，貴校邊位係首副先？
七，嗯，打九九九，貴校唔會唔識吧？
八，校長很面善，請問你有無上過A1頭版？
九，梁振英不會是校監吧？
十，校長有無fb，幾時po大腸照，提高透明度嘛。
十一，我們一家人剛剛上北京睇閱兵，校長，你有冇去？
十二，學校唔俾我囝囝個保鏢入校園？仆街，早唔講！搵自由行拖篋來讀啦！