禮拜日(6日)沙田賽事，原來係上季至今首次用闊26米之B跑道作賽，上季沒用過B跑道而只曾用闊24米之B+2跑道。唞暑養草兩個月後，前置馬預期佔優，因為上季開鑼日十場賽事，共有七匹頭馬是守前兩位下入直路建功，加上前季唯一一次沙田草地B跑道八匹頭馬(2013年9月15日)，六隻是守前四位下贏馬，具前速守好位之馬匹，應要秤先。
今戰列陣馬中，第三場「勁勢」是少數曾於田草B欄贏過的參戰馬，至今兩戰此欄位獲一冠一亞未失Q，抽三檔守包廂位可賺形勢，有力佔三甲一席。另外，第九場「錢照收」上季只跑一次，即在開鑼日擺前贏馬，操好揀番同日先復出，移入三檔可重溫好夢。