李嘉欣前晚出席中環ifc舉行的「愛彼全新千禧女裝系列展覽開幕儀式」，同場還有潘楚穎、鄧愛嘉、曾昭怡、邢嘉倩、陳浩寧、陳柏熹等。提到今年讀K2的囝囝Jayden已經開學，嘉欣表示：「係呀！不過開學前都冇乜準備，新校服、新書包都冇買，用番舊嗰啲，除非啲衫褲短咗先買，書包仲用得。」
原來嘉欣一向都教Jayden要有環保意識，鉛筆都刨到好短先換另一支，希望他自小學懂珍惜物資。
問嘉欣將來會否為Jayden報讀國際學校？她表示還有一年時間不用太緊張，但會考慮。有家長替子女報讀15間小學，嘉欣聞言即說：「呢啲全部都係好恐怖故事，就嚟殺到埋身，到時再睇吓佢點。」
提到教子方法，嘉欣說她會跟囝囝講道理，但不諱言有打過Jayden。她說：「佢兩歲幾嗰時有個壞習慣，鍾意『印』腳，我好憎人『印』腳，我先溫柔咁擺隻手喺佢隻腳度話唔好，但佢望住我仲『印』，我就打佢大髀，之前溫柔唔work，嗰次之後佢就記住，𠵱家都戒咗喇！」
問老公許晉亨可有給予教子意見？嘉欣笑說：「佢（老公）嘅寶貴意見其實可以留番畀佢自己就OK，佢未必好啱timing。」問嘉欣會否再生？她說：「要生就早兩年，𠵱家更加證明差唔多，因為都冇乜自己時間。」
曾昭怡晒8個月巨肚
另外，陀8個月巨肚現身的曾昭怡預產期在11月，但她賣關子不透露胎兒性別，至於妹妹曾昭亮亦傳有喜，但昭怡表示要留待妹妹自己講。昭怡又謂：「今次我會嘗試順產，對自己同BB都好啲。」有指她契媽何超瓊對於就快榮升做契婆是否很好開心？她說：「個個都開心。」
採訪：溫敏芝
攝影：葉君海