猶記得喺今年二月當艾朗連儂被熱刺借到愛華頓時，佢着住新戰衣嘅嗰輯相全部苦口苦面，仲被人笑好似做人質咁（左），結果據聞仲搞到替佢影相嘅攝影師冇得撈。喺今夏轉會窗關閉前，拖肥糖終於買斷連儂，不過，喺新一輯加盟照度佢就醒得多，張張都笑到四萬咁嘅口面（右）。唔知係連儂去咗愛華頓後，真心鍾意咗隊波，定抑或佢識做人咗呢？