【本報訊】本地設計師Patricia去年斥資近20萬於太子洋樓經營青年旅館「Wontonmeen」，持有本港賓館牌照。旅館位於洋樓低層，建築面積1,100方呎，設10個床位。目前單靠Airbnb與Hostelworld兩個網上平台吸客，平均出租率約5成，當中Airbnb佔客源一半。
數年前開始，Patricia在朋友介紹下用Airbnb找住宿，因網站介面易用，且選擇較具特色，「有時住宿未必一定要住酒店，你可以住一啲比較特別嘅地方，例如百年老宅、城堡，呢啲Airbnb做到。」其間她有體驗過房東的貼心服務，「意大利有個小鎮好早已經冇車，然後屋主過嚟車我」同時亦試過中伏，「有落差通常平平哋嗰啲，當瞓完就算。睇番個租屋價錢都冇乜失望。」
如今租屋者變出租者，Patricia指透過Airbnb的用戶驗證能提供安全感予出租者，「起碼知嗰個客係乜樣，（用戶賬戶）會有解釋佢係做緊啲乜！」 同時Airbnb不單止租客可為房東評分，亦鼓勵房東寫租客評價，她可視乎租客過往的評價而決定是否出租床位。
《蘋果》記者