世界田徑錦標賽周日閉幕，中國跳高好手張國偉（右）同烏克蘭嘅邦達倫科（左）同樣以2米33成績並列第二，但大會頒獎時就擺烏龍，搞亂咗刻上人名嘅獎牌，好彩張國偉唔使特登飛去烏克蘭交換番個牌，佢同邦達倫科都齊齊出席蘇黎世鑽石聯賽總決賽，周二大家喺瑞士見到面後交換番個牌，張國偉將兩人合照放上微博，仲留言話同獎牌終於團聚。