【本報訊】被告10歲的兒子傑仔痛失至親，令負責查案的老差骨當時為男童的遭遇灑下男兒淚，在WhatsApp寫下感受網上瘋傳。法官昨日特意向辯方查問男童近況，知悉男童由寄養家庭照顧，並寫信着母親不用擔心他。
曾令老差骨落淚
據悉，社署有跟進傑仔的心理及精神狀況，證實他並無創傷後遺症，他不時探望母親，現居於寄養家庭，其父在周末從內地回港照顧他。現就讀六年級的傑仔在給母親的信中，表示適應學校生活及膳食，着母親不用擔心他。
負責案件的探員撰寫的WhatsApp內容，最令他心酸的是傑仔超乎尋常的「生性」，「我問佢你肚餓嗎，佢話叔叔其實我肚餓㗎，但係我食唔落，我聽完個心好痛，我入屋幫佢執啲替換衫褲，佢仲提我你可唔可以幫我執埋套運動衫，我聽日要上運動堂，我當時真係擰歪面，啲眼淚忍唔住流咗出嚟！」
■記者蔡曉楓