民建聯粗口大狀馬恩國除咗得閒同齊昕去禮賓府食飯之外，原來呢排仲忙於寫書，計劃明年推出。
馬恩國同八方講，本書暫名叫《HK Basic law : An NPCSC perspective》（香港基本法：全國人民代表大會常務委員會的觀點），係一本超過一千頁嘅法律用書，所以本書要賣成千幾二千蚊。
馬恩國點解要寫呢本書？佢話過去唔少內地法律專家，好似王振民、饒戈平等，都只用中文寫《基本法》觀點，而且文章冇乜分析，只係寫阿爺話點就點，佢希望今次本書解釋到阿爺的「道理」，例如點解北京可以唔委任港人普選產生的特首，希望法律學生、律師、大學同啲外國法官，都可以入貨睇睇喎。