西九文化區到𠵱家都未有影，人民力量立法會議員「慢必」陳志全（圖）噚日出席一個藝術論壇，被問到西九文化區再咁拖落去，究竟係喜劇定悲劇？佢就話呢套係「黑色喜劇」，慢必話香港人過去已等待太多嘢，包括真普選、電視台，覺得一般香港人現時已對西九冇乜興趣，最重要係唔能夠再抱「等埋西九」心態，要喺未有西九文化區情況下，繼續積極推動創意發展，否則只會悲劇收場。
與慢必同場嘅曾鈺成就不忘抽水，話「等待」對慢必而言「一定是喜劇」，因為慢必係拉布能手，「等得越耐佢越高興」。曾主席又話西九發展推倒重來，係發展民主要付出的代價，指如果唔講民主，相信西九文化區現在已建成喎。