富二代喺梁班子嘅諮詢委員佔唔少席位；既然咁幫得手，閱兵又點可以冇份？
近年喺政圈好活躍嘅霍啟剛，身任香港青年聯會前主席，請佢唔出奇；范駿華喺7月升呢做香港青年聯會主席，加上係全國人大常委范徐麗泰之子，難怪獲邀同啟剛孖住上。全國青年聯會地位較香港青聯更超然，施榮忻貴為新任副主席，怪不得獲CY垂青；大劉之子劉鳴煒據聞係CY親自邀任青年事務委員會主席，試問點會榜上無名？亞視前主席邱德根孻仔邱達根除咗搞荔園，亦係撐創科局嘅IT界中人，或因此獲邀同行。
八方發現港澳辦前副主任陳佐洱千金陳晴亦隨團，身為聯合國兒童基金香港委員會主席嘅佢，為國內官二代爭口氣。