睇美國波，真係以為睇緊荷李活片咁星光熠熠。最近又有新球隊邁阿密FC成軍，意大利鐵衞馬甸尼係班主之一，佢好兄弟尼斯達亦喺周二獲委任做教練。雖然靚仔未必識教波，好似恩沙基喺AC搞到一鑊泡，但球隊twitter就列舉尼斯達嘅功績──意甲最佳後衞、歐聯同世盃冠軍成員，力撐佢夠經驗，而且球隊到出年四月先參戰次一級嘅北美職業聯賽，尼斯達有大把時間組軍。