有「中國沙治奧拉莫斯」之稱嘅廣州恒大後衞張琳芃，轉投車路士單嘢無疾而終，不過中國球壇喺轉會窗關閉前都有大單交易，講緊係女足靚女門將王飛；25歲嘅王飛周一落實由德國嘅波茨坦，轉投法國嘅里昂，王飛仲喺自己微博度大晒低胸簽約相，又留言話係夢想成真㖭。里昂係歐洲女足勁旅，係上季法甲冠軍，亦參戰歐聯，不過隊中已經有三個門將，王飛要爭正選都唔易。