體壇拾趣︰保特揸兩輪唔怕撞

牙買加跑手保特上周喺世界田徑錦標賽又拎三金，不過最大新聞反而係200米決賽俾中國攝影師所揸嘅兩輪電動車撞倒（下圖），好彩冇整傷呢位世界飛人。

保特周一就抵達倫敦做宣傳，不過佢對兩輪電動車唔單止冇陰影，仲揸住部電動車出機場，本身佢已經高人一等，企上電動車就更加高大，簡直成為希斯路機場焦點，加埋副黑超更加有星味。