車路士開季四戰得四分，球迷愁爆，咁不如去史丹福橋睇吓新球場重建模型。會方周二就呢項斥資五億鎊嘅工程展開公眾諮詢，除咗座位由𠵱家41,798擴建至60,000個，外觀同拱頂睇落都相當摩登；新球場預計出年五月動工、2020年落成。另外，近排索爆網絡嘅俄超莫斯科斯巴達女軍醫嘉美伊娃，日前喺instagram上載着住車仔波衫嘅相，唔通佢有興趣頂伊娃個位？