林海峰（Jan）昨日在中環出席「公益金便服日」開展儀式，擔任主體設計的他透露獲邀時即無條件答應，因為這是自己入行的初衷。近年有不少星二代入行，問到他會否安排兩位女兒林泳和林清入行？他笑說：「我啲星好細粒，人哋嗰啲耀目啲，佢哋求學階段。」但他覺得作為父母必須支持子女，因他的父母也同樣給予自由。
阿Jan自爆女兒身材高大：「一個15歲，一個10歲，一個望佢要抬高少少頭，遲啲要用尊敬眼光㖭。」問他女兒可是長腿索女？他笑說：「唔知係咪長，但褲好短。如果我想佢唔入行就會叫快啲入行，佢會諗要讀書喎，又例如想催佢交功課，我會叫佢去街，佢就反而會話要做功課。」
採訪、攝影：羅慧敏