保齡球亞巡賽噚日喺南華會進行，香港憑19歲小將張彧峯（左）攞到男子組亞軍，呢位加入港隊僅三個月嘅新手，喺男子組過關斬將，第一圈擊敗師兄麥卓賢，再喺第三及第四圈贏新加坡同大馬球手，到決賽對澳洲嘅薩姆庫利（右），最後輸170:222，但攞到個人首個亞巡賽亞軍已經好難得，難怪賽後獲香港保總主席劉掌珠力讚係可造之材。