上市公司放通告上港交所（388）披露易網站，不時都有蝦碌事情，通常都係要大家打開佢份通告，發現裏面寫錯嘢之類，好似中升控股（881）咁，標題已經蝦碌真係比較少見。噚日下午好多朋友cap圖畀華華，笑指中升呢個獨董任命嘅通告夠晒「獨」，當中不斷重複個「獨」字，正確佢係想話「獨立非執行董事之委任及董事會委員會組成之變動」，通告裏面都係冇錯嘅。有趣嘅係，呢份通告大約中午12點半出，俾人cap圖大半日，都冇人走去更正呢條標題囉。