中央打壓境外惡意做空勢力，越來越不手軟。繼之前查封全球最大對沖基金Citadel境內戶口後，今次輪到另一對沖巨頭MAN集團可能出事。彭博報道指，集團中國區主席李亦非，已被公安帶走調查。有內地傳媒搵佢老公求證，佢就話李亦非只係被官方叫去，開一個機密會議。不過，李亦非而家無法與外界聯絡，事件已非比尋常。
如果事件屬實，喺內地將非常震撼，因為李亦非經歷非常傳奇，幾乎係業界神話。李亦非出身武打明星，曾13歲奪得全國武術青少年組冠軍，拍過電影《火燒圓明園》。80年代去咗美國留學，曾於聯合國及多家大型國際企業任高層。
其實做空無分惡意或善意，中央先後向幾間全球最top對沖基金開刀，恐怕將嚇怕所有境外基金，以後再唔使旨意有得入MSCI。
黃尹華