重返本地頂級聯賽嘅地區球隊冠忠南區（圖），噚朝出發去曼谷集訓，球隊講明備戰新球季，原先安排咗三場熱身賽，噚日仲諗住即刻同TOT體育會拍跳，但最後就取消咗，而聽日就對泰國本田，到咗周五友賽BEC泰路後，就會喺周六返港，結束六日集訓。教練鄭兆聰話，今次海外集訓係希望加強球員默契，另一目標係進一步提升狀態，喺港超首戰迎飛馬有個好開始。