【本報訊】老兵不死，只是凋零。95歲的華籍英兵蔡彼得，現為退伍軍人聯會會長。他以中國人自居，從不稀罕英國國籍，「我係中國人，點解要出賣自己？」然而一眾抗日華籍英兵在回歸後遭中聯辦和港府冷待。
蔡指曾經抗日、仍然在世的華籍英兵，剩下約10人，部份行動不便、健康欠佳。蔡與另一坐輪椅的老兵，曾在和平紀念儀式遇上特首梁振英，「我推住輪椅，同佢影相。我影完相問佢：『班老人家點搞？』佢擰埋一面唔答，冇話yes冇話no」。
蔡回歸前曾代表退伍軍人訪京，時任港澳辦主任魯平大派定心丸，「話50年不變」。蔡打算趁今年日本投降70周年，去信中聯辦，「應該派人同我哋接洽。𠵱家魯平死咗囉，中聯辦成班人都唔關心我哋」。
聯會辦事處位於香港中央圖書館旁邊的小平房，蔡彼得每天回去打點。他認為政府至少應向老兵表達關懷，「我哋唔需要錢，得閒關心吓，幫吓個會，已經好多謝佢（政府）」。
■記者白琳