九月七日就24歲生日嘅香港乒壇新星黃鎮廷，近期越戰越勇，世界排名升到18位外，周日喺捷克舉行嘅乒乓球公開賽，四強以4:1擊敗法國嘅古斯，決賽同日本對手吉村真晴爭金牌。至於師姐帖雅娜（右）拍杜凱琹（左）嘅女雙組合亦殺入決賽，可惜以1:3輸咗俾南韓組合，最後得一面銀牌，而帖雅娜喺女單四強亦以0:4不敵南韓嘅田志希。