暑假臨近尾聲，又係學生哥趕做暑期作業的日子，又令我想起學生年代的8月31號點樣趕頭趕命清晒啲暑期功課……最怕做作業內的寫作練習，一來花時間，二來冇得參考（你懂的）。以前一本小學暑期作業通常都包含了中英數常四科，但現今卻演變成每科一本，另加工作紙N張、閱讀報告N個，還有父母額外購買的暑期作業，明明係假期，點解功課同平時一樣咁多？
香港小學生放暑假注定要與堆積如山的功課玩遊戲，原來日本小學生放暑假一樣要做暑期作業！據已移居日本的網友「也加子」透露，當地小學生的暑期作業內容和數量會因應高低年級而各有不同，小一至小三只得一本暑期作業，小四至小六則除了一本暑期作業外，還要每日寫一句日記、自主學習（即自修學習的內容記錄）和閱讀報告等，日本家長也甚少額外購買暑假作業給子女，因為……「暑期作業出面冇得賣㗎」，嘩，珍貴到咁？簡直係學生嘅福音呀！
至於新加坡小學生的暑假則在學期中段（大約6月）開始，放4星期，據一名女兒在當地普通政府小學就讀的家長表示，學校假期功課同樣按年級而定，低年級可能沒有功課，高年級則有小量，但不是每科都有。學期完結後則會再有6星期假期，新學年在1月開課，其女兒的學校則從未試過在這個假期給予學生功課。
曾做過無數本暑期作業的人表示很羨慕日本及新加坡的學生，唔使做功課先算係真正放假嘛，可惜，這些機會不是屬於香港學生的。
記者：黃子配