目前喺中國武漢舉行嘅第26屆亞洲女子籃球錦標賽，首戰以51分之差慘敗哈薩克手下嘅香港女籃（白衫），雖有主力卓婷因喺土耳其出戰1-on-1比賽而缺陣，但噚日憑唐曉蕾同林碧怡齊齊攻入21分下，仍以72:52輕取斯里蘭卡（紅衫），總算打開勝利之門。港女籃今朝11點將會喺第3場分組賽，乘勝狙擊噚日輸咗畀哈薩克嘅馬來西亞。