【飲食籽：識飲惜食】
燒雞翼，我鍾意食。想當年一套《唐伯虎點秋香》，星爺將這幾句歌詞唱得琅琅上口，足以證明港人對「燒雞翼」是何等鍾愛、何等仰慕！之但係，香港又點只得燒雞翼？味道無國家之分，創意也無地域之限。簡簡單單一隻雞中翼雞全翼，歷盡幾番新，已由昔日的平平無奇、純粹加滷水豉油幾味，升呢至現今的醃釀煎炸烤焗蒸……樣樣齊，更橫掃港九新界大小餐廳，誓要以雞翼之名殺出一條新食路！
磚爐烤製 三分鐘出爐
甫來到中環蘇豪區拿玻里薄餅店Motorino，最吸引的並非剛出爐薄餅的焦香味，而是比人還要高、猶如藝術品的黑白色磚爐。薄餅師傅將香味較濃的東南亞木材Almond wood放入爐，熊熊烈火隨即燒起，緊接以巨型鐵鏟將一碟半熟雞翼推入爐。Motorino以選用意大利老牌磚爐第三代傳人Stefano Ferrara手製的磚爐，烤出拿玻里豹紋薄餅而聞名，爐溫最高可達攝氏450度，只需分半鐘便可烤出薄餅上的黑色豹紋斑點，而店家唯一一款雞翼也是靠它炮製。先將美國雞翼以橙、檸檬、黑胡椒及蒜頭等醃八小時，再以攝氏85度慢煮一個半小時，最後放爐烤三至四分鐘。出爐時雞皮烤得焦脆，滲出濃濃木香，雞肉經慢煮後也腍身，咬一口肉汁隨即爆出，檸檬的酸甜味加上拌碟的微辣生洋葱及薄荷葉，非常醒胃。
Motorino
中環些利街14號地下
食客鼓勵 創作「天使翅膀」
雞翼，對他而言，是一個又一個的故事。十多年前，人稱「王子」的華記小食店太子爺周子嵐，因為一通電話，毅然放棄一手創立的生意，繼承患癌老父的心血麵店。「冇辦法，我食呢度嘅麵大，就算幾唔捨得都要放棄。」說罷，王子拿起頸上的毛巾擦擦眼角，是汗還是淚已不重要。回憶起剛接手時，連家人也不看好，一心以為要關門大吉，偏偏此時遇上一個人，「有個好鍾意笑嘅客成日嚟，佢有日同我講『你最近唔開心？你煮嘢其實唔差，但要多啲動力，相信一定可以感動人。』聽完信心返晒嚟，於是決定為佢創作一款雞翼。」明燈叫Angel，他首創的雞翼也順理成章名「天使雞翼」。最後他和Angel也成為知己，每逢有新菜式推出，她總是華記小食店的座上客。
後來，王子又遇上另一高人。「有次個客10點嚟到，叫咗碟雞翼，但擺咗六、七分鐘先食，食完話冇層次感，仲係逐隻字咁彈出嚟，層、次、感！又話會再返嚟試。」一句話，他又再苦苦思量何謂層次，經過多番嘗試，他終於想到以十多款香草醃製雞翼，並於不同時間將逐款香料加入，醃最少一晚，最後蘸蛋漿，猛火落鑊慢火炸，「幾日後佢真係再返嚟，又照樣擺六、七分鐘先食，但今次終於話『呢啲咪係層次感囉！』」這次挑戰，也成就了王子的「層次雞翼」，是華記另一款招牌小食。
華記小食店
青衣涌美老屋村90號地下
韓國No.1炸雞店 勁到開雞大學
開業不夠一個月，這間在韓國有20年歷史的炸雞店已為銅鑼灣帶來排隊潮，皆因店家對炸雞的要求，嚴謹得要開辦一間專門研究「雞」的大學，行政總裁任良安指：「我們的炸雞有兩款，一款用脆漿粉，會較乾身，另一款用特製粉，較易吸收醬汁，更惹味。」秘方中還有百分百純橄欖油，是店家專程請土耳其一個橄欖場設置工場獨家提煉，「雞解凍後要先去肥膏，再加秘製調味水，並以獨有的真空處理方法醃製，再冷藏最少八小時，令肉放鬆吸收醬汁。最後再加配料醃及以低溫慢炸。」程序絕不少，但店家堅持即叫即炸，而雞肉經真空處理後仍鮮嫩入味，鬆化酥脆，不會太乾身及油膩。
BBQ Chicken
銅鑼灣謝斐道500號維安商業大廈地下
港九靚雞大搜索
台灣夜市 排長龍雞翼包飯
這款台灣夜市人氣小食去年引入香港，瞬即熱爆網。雞翼內塞滿紅油櫻花蝦炒飯，不加油烤至金黃脆卜卜，Q彈米飯索盡雞汁，鮮甜無比。有十款味道選擇，可挑戰甘梅味，酸酸甜甜大有驚喜。
有一腿真功夫雞腿捲
深水埗荔枝角道333號地舖
卡路里byebye 不落油韓式烤雞
炸雞和卡路里，理應天生一對，不過這間過江龍韓國炸雞店卻主打不落油健康烤雞。黃油雞以韓國秘方醃兩天，再烤兩次，最後加醬汁回鑊炒。而四川麻辣風味及黑胡椒味，更是香港店獨有。
Goobne
尖沙嘴赫德道4號The Hart 2樓
雞鎚啖啖肉 墨西哥風味
棄用雞翼，改以肉汁更多的雞鎚來炮製水牛辣雞翼，還將雞鎚下半部的肉拆起反上。炸漿由美國Cajun粉、奶及胡椒製成。自製醬汁甜中帶辣，拌藍芝士吃，惹味非常。
EIGHT GRAND Bar & Restaurant
銅鑼灣軒尼詩道500號希慎廣場12樓1203號舖
水晶梨醃肉 自創粟米片炸粉
曾留學法國的老闆將寄宿時與同學交換得來的烹飪技巧用於雞翼上，選用水晶梨醃肉令肉質更軟腍，炸粉更是他自創，加入粟米片及魚皮粉增加鬆脆度，還加有蜜糖，香甜脆口，完全沒油溢味。
高呼
北角宏安道12號宏暉商場33號地舖
印度鬼椒 挑戰150萬度辣
一款水牛城雞翼，六種辣度，最辣的“Homicide”，連老闆也笑言：「食過一次以後都唔敢再食！」醬汁用上極辣印度鬼椒，辣度是150萬度，比起辣醬Tabasco的4000度高374倍。
The Big Bite
北角渣華道196-202號嘉富大廈地下4B號舖
芝士撈芝麻 冧後生仔
賣港式車仔麵的老闆覺得年輕人愛吃芝士，就自創出這款雞翼，以牛油及車打芝士等煮成醬，再灑上黑白芝麻。另一款蜜汁雞翼亦吸引，釀入明太子後塗麥芽糖燒至脆身，惹味刺激。
蒙麵車仔麵
紅磡必嘉街83A號地舖
蜜糖加紅酒 甜中之醉
以創新口味的熱狗做到街知巷聞，原來店家還有一款秘製雞中翼。以Merlot紅酒及香草將雞翼醃一日，塗上蜜糖後先煎後炸。紅酒經烹調後，餘下是淡淡果香，與蜜糖非常搭配。
Iconic H
紅磡必嘉街97號黃埔唐樓C座106A舖
越南Style 焦糖薑粒燜煮
大廚以越南家常的焦糖薑粒燜鴨方法煮雞翼，自創出越南家常風味的焦糖薑粒雞翼。以易煮燶但較健康的椰糖代替蜜糖，加上大量薑粒，辣勁不算太重，反而能提出椰糖香味，令層次感大增。
小越南
美孚美孚新村吉利徑5G號地下37號舖
售價急升 靚貨多流去大陸
百物騰貴，連雞翼也漲價不少。在牛池灣經營凍肉店的Ken指出，近十年凍肉價錢不斷飆升，以雞翼為例，2005年一磅頂級美國或巴西雞中翼，售價約$17，現時則賣約$22，相差接近兩至三成，質素亦較差，因為優質貨源多流向內地市場。不過Ken亦指，雞翼的價格高低或取決於地點，如將軍澳街市隨時比牛池灣街市貴五至十元不等。
記者︰黃依情
攝影︰劉永發、徐振國、楊錦文
編輯：李寶筠
美術：孔文彬