近年歐美興起創造共享價值（Creating Shared Value），鼓勵企業結合業務營運同公益事業，賺錢之餘幫吓社會，扶貧委員會轄下嘅社創基金睇中呢個新概念，下月9日會舉行CSV論壇，遲啲仲有工作坊同研討會。
原來早前社創基金委託咗CSR Asia進行調查，發現恒生指數成份股50間企業之中，只有4間上市公司推行咗CSV項目。
雖然CSV喺香港未普及，但亦有先鋒者，興迅實業今年初斥資千萬喺荃灣成立TML（To Make Locally），喺自置物業8萬平方呎地方成立服飾設計創業中心等，扶植本地時裝設計師、插畫師；其中低碳綠色生產中心更聘過百名退休長者同新移民，推動就業。