出名好身材嘅黃榕（圖）同艾美琦噚日喺灣仔婚紗展，宣傳代言嘅纖體豐胸產品，黃榕話廣告商好大手筆，佢哋兩個代言酬勞夾埋有6位數。見黃榕條婚紗裙係咁跌，佢話：「唔係因為瘦到上圍縮咗水，係條裙太重。」艾美琦就想黃榕介紹男仔畀佢識，黃榕話自己隨時嫁，但識親都冇個好：「遇到嘅都係爛桃花、騙子同賤男，香港好男人都死晒。」