趣趣地:C朗甩拖衰畀42D巨胸?

趣趣地:
C朗甩拖衰畀42D巨胸?

基斯坦奴朗拿度(C朗、右圖右)同前女友艾琳娜(右圖左)已經散咗一排,最近竟然有人自稱係破壞呢段關係嘅真兇!英國《太陽報》報道,呢個女仔叫做戴安娜,係一名巴西學生。睇個樣冇咩特別,佢就自稱最迷惑到C朗嘅地方係42D豐滿上圍:「當C朗見到我個胸嗰陣,簡直愛不釋手,直頭好似小朋友去咗糖果舖一樣。」戴安娜話,佢哋2012年透過Facebook認識,直到去年巴西世盃期間先第一次見面,仲喺上年九月上埋床㖭!直到上年聖誕,艾琳娜終於發現戴安娜傳畀C朗嘅短訊,C朗就決定同佢斬纜喇!睇番C朗同艾琳娜今年四月正式分手,時間上就幾脗合嘅;但兩人已成過去式,女方仲已經有新歡,戴安娜到家陣先拎番件事出嚟講,似炒作居多囉!