開學了！開學了！家長們忙於為子女開學作最後準備，孖仔組合Soler細孖Dino的2歲多囝囝Damiano，即將走進第一個學習階段，Dino十分期待囝囝在校內的表現。而港視藝人關伊彤的3歲長女林醇欣由下午班調到上午班，更會與楊思琦囡囡做同班同學！無論如何，祝小朋友們開學愉快！
撰文：羅慧敏
家庭美滿的Dino，與畫家妻子Nancy的萌爆混血囝囝Damiano（Dada）即將滿3歲，二人三年抱兩，下月新成員便出世了，快要成為哥哥的Dada今年率先入讀K1，踏入人生第一個學習階段，日前Dino與妻兒為開學作準備，買了水杯、毛巾盒與顏色筆，兩公婆對兒子入學，大感好奇與緊張，Dino說：「應該幾有趣，因為佢未上過託兒所，好好奇佢會有乜感受。」Nancy則說：「我就緊張啲，我細個由朝喊到晚，不過佢同我唔同，應該會好好，佢一出世就見好多人，100日已經飛加拿大探公公婆婆，好適應見唔同嘅人，我哋將身教放大咗，全球都成為佢嘅託兒所。」
實地視察揀學校
Dino一家雖以英語溝通，但他們卻選擇傳統的本地幼稚園，一切都只為Dada開心為原則，Nancy說：「最初係上網搵屋企附近嘅學校，之後我會去學校望，睇吓啲小朋友係開心、好攰定係扭計，我仲搵咗啲家長問吓佢哋意見，最後由十間揀到三間，始終都要由佢（Dada）揀，我哋會睇佢反應。」
Dino續說：「好多學校都係觀察我哋反應，其實係倒番轉，我哋觀察番佢哋，睇吓佢哋方向。如果佢哋考嘅嘢個個一樣咁死板，我哋會避忌啲，因為面試嘅小朋友性格同年齡都唔同，我哋揀呢間，係因為老師真係好留意到學生需要，佢知道我哋用英文溝通，會問我哋使唔使用英文面試，佢哋會帶動小朋友套入佢哋嘅方式，呢個面試我哋都好輕鬆，Dada都好想返去玩。」
Dino表示希望學校亦能給予Dada家的感覺，有愛、自由與開心，一切從囝囝開心出發。
