雨僑噚日下晝坐的士，咁橋遇上落雨，同埋觀塘繞道發生車禍後嘅大塞車。正常人都會避開唔行東隧，點知雨僑坐嗰架的士，司機竟然局行東隧。
嬲豬雨僑喺fb貼圖，狂落hashtag呻爆：「有咩躁得過，的士焗你行東隧，結果塞過紅隧，仲要兜大圈。#條東隧係唔塞 #出同入每吋都塞之嘛 #已經兜咗半個香港 #好心你問下台 #你自己係好想塞過海？ #舊隧有怪獸？#寧死不入？#我真係火都嚟埋#貼錢買難受 #貼錢買遲到」。
之後我哋打畀佢，佢就話雖然UBER有很多問題，例如第三者保險等等，但的士拒載、兜路同揀隧道問題太嚴重，覺得政府應該與時並進，或者可以檢討制度。