鄺文珣自從2006年與商人應德榮結婚後，暫時退出娛圈專心相夫教子，不過其間亦有出席活動，昨日她在鑽石山出席「素走家暴 營造和諧」活動，問到好友徐子淇的生B日期，鄺文珣只說：「唔知邊個月生，但佢個肚好大喇。」不過她們仍有聚會，再問好友目前的身體狀況，她笑說：「身體OK呀，食好多嘢，食完一餐，食甜品，食完甜品再食返轉頭，好好胃口。」但她表示不知道子淇今胎是否陀仔。
本身已經有兩個囝囝的鄺文珣，問她會否考慮追多個囡囡？她說：「冇諗喇，𠵱家我有好多嘢想做，想試吓喺幕前演出，好似拍劇、唱歌，或者出書，將自己經歷寫出嚟，我老公都好支持佢。」
婚姻曾亮紅燈
提到老公，鄺文珣多年前曾經透露婚姻曾亮起紅燈，幸好最後雨過天青，她表示結婚9年間都遇過婚姻問題，最後大家都可以解決問題，她還說：「我覺得要有盼望，互相體諒同願意忍耐，我哋唔會喺小朋友面前嗌交，亦唔會講對方不是，有問題會坐低傾，有時亦會同小朋友講對唔住。」她亦透露在暑假期間，舉家到北海道旅行。
採訪、攝影：溫敏芝
