【本報訊】自由黨榮譽主席田北俊批評特首梁振英近日「適度有為」的說法，是講一套做一套，並以港大委任副校長一事，指梁做法不是「適度」，而是「過度無謂」。他得悉政府與中聯辦均有派人游說校委會成員，以「等埋首席副校長」為由拖延副校長任命。
田北俊昨在一個電台節目中表示，自己認識不少港大校委會成員被游說，「聽講中環西環都出埋手」。他在節目後解釋，政府及中聯辦均派人游說校委會成員，以「等埋首副」為理由，拖延任命副校長。
指梁特選擇性適度有為
他又批評「等埋首副」的藉口，較建制派政改投票時說「等埋發叔」更離譜，「發叔嗰次都講得出等劉皇發議員，講得出個名嘛。等呢個首副，連個名都講唔出，根本連應徵人都冇，根本就冇嘢等嘅。等到𠵱家出嚟話唔好等喇，9月份決定，咁又捱多一個月」。
田北俊認為有關做法是干預大學，並不是梁口中的「適度有為」，「第一，我唔覺得呢個係有為，第二，我亦覺得佢唔係適度，佢係過度嘅無謂」。他又舉例指梁政府調查「梁粉」張震遠的商品交易所兩年仍無下文，而免費電視牌照事件中，港視司法覆核勝訴後，政府未有按法庭判決重新考慮申請，認為梁是選擇性適度有為。
■記者袁柏恩