8月30日係大名娛樂老闆林建名78歲生日,噚晚佢旗下班「仔仔女女」包括最得寵嘅何傲兒,仲有戴夢夢﹑胡渭康﹑李思欣同老公范振鋒等都有去幫佢慶祝,咁多人,唔擺夠16圍邊個坐。因為壽宴嘅主題係熱帶雨林,所以李思欣就扮成花樹妖咁去賀壽。至於傲兒BB就被安排同壽星坐喺舞台前嘅主家席,當胡渭康唱歌助慶時,佢哋都聽得如痴如醉。